Ti yòǹ-sa

Ti yòǹ tɔnyudí-dà weèdɔɔ̀-nàmɔ̀ka tɔ́hɔ́káà kà tɔɔ̀ka é hḭ́ná-di. Ti bɔhɔ̀ta-sá-dà héé, tí tempanà naàtem̀ma kà peǹdamá é pa̰ná pa fòùmu mɛhɛká, pa pemá mɛhɛká nà pa weèdɔɔ̀mu mɛhɛká. Tɔná ti pa̰kú-na è kó tɛ̀i ye kú niiyà̰ wɛnnì yòǹ cɛ̰má dɔ́ɔ́di-dà:

Ti bɔhàta tí tɛ̰́ná Weèdi wɛmá-dà nà naàteǹni. É m'bààsí mɛmu, ti pɛnti ti kó hḭmpú-dà kà Weèdi wɛmá é pidá páàti wɛǹni.

Ti tɔmú tɔɔmú ti bɔhàta è kó pa̰á̰-pu-dà héé, tí pa̰á̰ ti kó hḭmá kà naàteǹn wɛǹni é biɔha é tṵ́má é n'nɔn è kàǹ nà naàteǹni, k'yé teha k'òo pemá é peǹta.

Ti tɔmú mùcɔ̰́-dà héé, tí pɛha mìì péé-sa ti bookú mɛhɛká, éè tàa pɔ̀kàhi mɛhɛká k'yè dá fédí.

Toɔ̀sa ti bɔhàta è kó nɛǹta-sá-dà héé tí kɔ̰́ɔ̰́ nìpa biɔhànamá bookú biɔhàma cɔ̀ku, wa̰hàma màcɔ̰́mà kú tɛ̰́náma ti bookú mɛhɛká, biɔhànamá mɛhɛká, Weèdi wɛmá pidáma hḭ́ǹka, ti bookú nɛ́yɛ̰̀ǹdèmu hḭ́ǹka, nà tɔɔ̀sa tɔɔ̀sa. Mii kú wɛnnì, è bɔ̀hàta Naàtem̀ma yá̰á̰ma nà pa césíma-dà é tuɛ̀ha.

A yòǹ nìdo-dà, a yòǹ hòǹhòni-dà yoo tɔnyudí nìcɔ̰́nì è dehú ye bɛ̀m̀bɛ̀ka ti kɛdà-kà wɛnnì kú mɛhɛká-a, yè kó ti n'naa-á-ma è yɔ̀ fɔ̰́ń nà tḭ́ńti ti ceèda yá̰á̰ma ti káá-ma.

Ǹtɛ ti nìmɛ̀dóòpa:

Tél: 00229 94788901 yoo 00229 90104017

ou 00229 94892886 yoo 00229 97357073

Pɔ̀kàhi kóoó: 43

Ímɛ́dì: [email protected] ou

[email protected]

Heedí: Bènɛ́ɛ̀

Yɔtí: Tà̰ǹcɛ̰̀di

Ǹtɛ ti báńkì nìmɛ̀dóò mɛ̀m̀pà kú wɛnnì kpɛ̀i-pá é ti bɛ́hìna ye kú cɔ̀kù mɛhɛká: 20003700901, ORABANK, CLE RIB 38

Kà Weèdi nɛ kóná!

Nɛ́ ti naǹci-ní nɛ dɛ́hà-sa yoo nɛ békàma

Voulez-vous partager ce que vous avez appris de cette Écriture aujourd'hui ?

Votre encouragement nous est précieux

Vos témoignages contribuent à rendre possibles des sites web tels que celui-ci.